Kukkuniiaat tamanit atugassianngorlugu Oqaasileriffimmit, Namminersorlutik Oqartussat oqaatsit pillugit allatseqarfiannit, ineriartortinneqarlunilu tamanut neqeroorutigineqarpoq. Kukkuniiaat tamanut akeqanngitsumik atorneqarsinnaavoq.
Kikkulluunniit kukkuniiaammik atuisut tatiginassutsitsinnik ajoqusiisinnaasut atuisuujunnaartissinnaallugit atuinissamullu mattussinnaallugit immitsinnut pisussaatippugut, tamatumunnga ilanngullugit automatiskimik atuinerit aamma akilersillugu tunisinerit.
Kukkuniiaat tamanut ammasuuvoq mannalu aqqutigalugu pissarsiarineqarsinnaalluni: https://github.com/Oqaasileriffik/kukkuniiaat. Kikkulluunniit kukkuniiaat aasinnaavaat qarasaasiaminnullu ikkullugu.
Oqaasileriffiup allatat kukkuniiaatikkoortinneqartut pillugit paasissutissat toqqorneq ajorpai.
Google Docsimut, Microsoft Wordimut, Microsoft Outlookimut, Adobe InDesignimut programminik ilassutinik (udvidelser) allanillu qarasaasiap pisariaqartitaanik ilassutinik (add-ins) ineriartortitsisut programmit atukkatit aqqutigalugit paasissutissat uku piumasinnaavaat: atuisutut paasissutissat aamma inummut paasissutissat, taakkuli uatsinnut ingerlateqqinneqarnavianngillat. Programminit atugarnit taamaallaat atuisutut paasissutissatit atorlugit oqaatsit programmimi atorneqartussat eqqoriarnissaannut aallaqqaammut atorneqassapput.
Paasissutissat pissarsiarisavut tassaatuaannaapput immikkoortut (paragraffit) programmini ilassutini atuarneqartussatut nalunaakkatit. Programmi ilassut allakkiap annertunerusup ilaannaani atuutsikkukku, taamaallaat taanna allakkiap ilaannaa pissarsiarissavarput. Allakkiami immikkoortup allakkiamit suminngaanneernera imaluunniit allakkiami immikkoortup allakkiap sortaaneernera paasiniarlugu paasissutissat toqqorneq ajorpavut.